డిసెంబర్ 9, 2025 11:54AMన పోస్ట్ చేయబడింది
.webp)
ప్రజాధనాన్ని తమ సొంతానికి దుబారా చేయడంలో తెలుగు రాష్ట్రాల మాజీ ముఖ్యమంత్రులు కల్వకుంట్ల చంద్రశేఖరరావు, వైఎస్ జగన్ మోహన్ రెడ్డి రికార్డులన్నీ తిరగరాశారని అంటున్నారు పరిశీలకులు. అలా అనడానికి కారణం ఇటీవల ఆర్టీఐ ద్వారా వారు పెట్టిన ఖర్చులు వెలుగులోకి రావడమే. ముందుగా తెలంగాణ మాజీ సీఎం కల్వకుంట్ల చంద్రశేఖరరావు విషయానికి వస్తే.. ఆయన అధికారంలో ఉన్న తొమ్మిదేళ్ల కాలంలో అంటే 2014 నుంచి 2023 వరకూ ప్రగతి భవన్ లో భోజనాలు, తినుబండారాల కోసం చేసిన ఖర్చు వెయ్యి కోట్లు. ఔను అక్షరాలా వెయ్యి కోట్లు. ఇది ఏదో కాకిలెక్క కాదు. సమాచార హక్కు చట్టం ద్వారా సేకరించిన సమాచారం. కేసీఆర్ హయాంలో ప్రగతి భవన్ లో నిత్య సంతర్పణ అన్నట్లుగా ఉండేది పరిస్థితి. నిత్యం, చికెన్, కౌజు పిట్టలు, కుందేలు మాంసం కూరలతో పాటు కోడి గుడ్లతో వైరైటీ వంటలతో విందులు చేసుకున్నట్లు ప్రదర్శింపబడుతుంది. ఇక విదేశాల నుంచి ప్రత్యేకంగా తెప్పించుకున్న ఖరీదైన స్కాచ్ విస్కీ బాటిళ్లు కూడా ఇందులోకే వస్తాయి.
విషయానికి వస్తే ప్రగతి భవన్ లో కేసీఆర్ కుటుంబ సభ్యులతో పాటు నిత్యం దాదాపు 50 మంది నిత్యం ఈ విందు భోజనాలకు హాజరయ్యేవారట. పెట్టేవాడు మనవాడైతే చివరి బంతిలో కూర్చున్నా ఇబ్బంది లేదన్నట్లు ఇక్కడ వంట, వడ్డన సాగేదట. ఏ ఫైవ్ స్టార్ హోటల్ కీ తీసి పోని విధంగా ఇక్కడి వంటలు ఎంతో రుచికరంగా ఉండేవట.కేసీఆర్ తనతో ఉన్న ప్రతి రోజూ, ప్రతి రోజూ నాన్ వెజ్ లతో ఇచ్చే ఈ విందు పెళ్లి దావత్ ను మించి ఉండేదంట. అంటే జనం సొమ్ముతో కేసీఆర్ తన, తన కుటుంబ సభ్యుల జిహ్వచాపల్యాన్ని తీర్చడమే కాకుండా, తనతో ఉన్న వారికీ విందు భోజనం పెట్టేవారన్న మాట. అయితే ఇక్కడ ప్రత్యేకంగా చెప్పాల్సిన విషయమేంటంటే.. ఈ గ్రాండ్ విందు భోజనం కొందరికే.. ఇక సీఎం భద్రతా సింబ్బంది, పనివాళ్లకు మాత్రం శాఖాహార వంటలే వడ్డించేవారట. ఇది కూడా పెద్ద సారు ఆర్డర్ ప్రకారమేజరిగేదంట.
కేసీఆర్ కుటుంబసభ్యులతో పాటు బంధువులందరికి ప్రతిరోజు మాంసాహారం వంటలు తప్పనిసరి అన్న ఆదేశాలుండేవ. కేవలం భోజనాల కోసమే వెయ్యి కోట్లు ఖర్చు పెట్టిన ఏకైక ముఖ్యమంత్రి కేసీఆర్ రికార్డు సృష్టించారంటున్నారు పరిశీలకులు. మరో విషయం ఇప్పుడు చెప్పిన వెయ్యి కోట్ల లెక్క కేవలం ప్రగతి భవన్ విందు భోజనాలకిసంబంధించినది మాత్రమే. ఇది కాకుండా ఎర్రవల్లి ఫాంహౌజ్ లెక్కలు ఇంకా బయటకు రావాల్సి ఉందని అంటున్నారు.
ఇప్పుడు ఏపీ మాజీ సీఎం, వైసీపీ అధినేత వైఎస్ జగన్మోహన రెడ్డి ఐదేళ్ల కాలంలో అంటే 2019 నుంచి 2024 మధ్య కాలంలో కేవలం ప్రయాణాలకే 222.85 కోట్ల ప్రజాధనం వెచ్చించారని ఆర్టీఐ ద్వారా సేకరించిన సమాచారం ప్రకారం. జగన్హయంలో విమాన ప్రయాణాల కోసం పెట్టిన ఖర్చు సైతం చర్చనీయాంశంగా మారింది.
2019 నుంచి 2024 మధ్య కాలంలో ఏపీ ఏవియేషన్ కార్పొరేషన్ లిమిటెడ్-ఏసీఎల్ ద్వారా ఏకంగా రూ.222.85 కోట్లు వెచ్చించారని తాజాగా వెల్లడైన రికార్డులు స్పష్టం చేస్తున్నాయి. కోవిడ్ లాక్ డౌన్ డౌన్ సమయంలోనూ ఈ వ్యయం తగ్గకపోవడం.జగన్ విమానయానం ఖర్చులు 2019-20- రూ.31.43 కోట్లుకాగా.. 2020-21- రూ.44 కోట్లు, 2021-22- రూ.49.45 కోట్లు, 2022-23- రూ.47.13 కోట్లు, 2022-23-రూ.47.13 కోట్లు, 28-45 కోట్లు. ఈ ఐదేళ్లలో జగన్ విమానాల చార్జీలు రూ.112.50 కోట్లు, హెలికాప్టర్ చార్జీలకు రూ.87.02 కోట్లు, ఇతర నిర్వహణ ఖర్చుల కింద రూ.23.31 కోట్లు చెల్లించిన కేసులు వెల్లడిస్తున్నాయి. హెలికాప్టర్ చార్జీల జీఎంఆర్ ఏవియేషన్ ప్రైవేట్ లిమిటెడ్కు చెల్లించినట్లు వెల్లడిస్తున్నాయి. జగన్ ఐదేళ్ల కాలంలో గాలి మోటారు ఖర్చులను ఏకంగా 220 కోట్ల మేర పెట్టగా ఈ పద్దెనిమిది నెలల కాలంలో లోకేష్ పెట్టిన ఖర్చు జీరో అంటూ తెలుగుదేశం సామాజిక మాధ్యమంలో పోస్ట్ చేసింది.
అంతే కాదు.. సమాచార హక్కు చట్టం ద్వారా మంత్రి నారా లోకేష్ 77 సార్లు హైదరాబాద్ ప్రయ నించగా.. ఆ విమాన ఖర్చులు పూర్తి సొంతంగానే పెట్టారని ప్రభుత్వ ఖజానాపై ఎలాంటి భారం పడలే దని తేలింది.ఇటు తెలంగాణలో కేసీఆర్, అటు ఏపీలో జగన్ ఇరువురి వారి ప్రకారం ఎంతగా ప్రజలకు ఖర్చు పెట్టారు. వెచ్చిస్తున్నారో ఇవి మచ్చుకు కొన్ని మాత్ర మేనంటున్నారు ఆర్టీఐ కార్యకర్తలు. కేసీఆర్, జగన్ లు ప్రజాధనాన్ని దుబారా చేసిన తీరు చూస్తుంటే, తన సొమ్ము సోమవారం ముప్పొద్దుల తింటారు, మంది సొమ్ము మంగళవారం ముప్పొద్దుల తింటారు అంటూ సినిమాలో ఆరుద్ర రాసిన ఏదో పంక్తులు గుర్తుకు వస్తున్నాయంటున్నారు విశ్లేషకులు.
